قازاقستان رەسپۋبليكاسى پرەزيدەنتىنىڭ جارلىعى №992

1941 – 1945 جىلدارداعى ۇلى وتان سوعىسىنداعى جەڭىس كۇنىنىڭ 70 جىلدىعى قۇرمەتىنە ارنالعان بىرىڭعاي مەرەكەلىك مەدال تۋرالى

1941 – 1945 جىلدارداعى ۇلى وتان سوعىسىنداعى جەڭىس كۇنىنىڭ 70 جىلدىعى قۇرمەتىنە, سوعىس ارداگەرلەرى مەن تىل ەڭبەككەرلەرىنىڭ ەرلىگىنە, قاھارماندىعى مەن قايسارلىعىنا تەرەڭ قۇرمەت كورسەتە وتىرىپ, قاۋلى ەتەمىن: 1. قوسا بەرىلىپ وتىرعان «1941 – 1945 جج. ۇلى وتان سوعىسىنداعى جەڭىسكە 70 جىل» بىرىڭعاي مەرەكەلىك مەدالىمەن ناگرادتاۋ قاعيدالارى (بۇدان ءارى – قاعيدالار) بەكىتىلسىن. 2. قاعيدالارعا سايكەس «1941 – 1945 جج. ۇلى وتان سوعىسىنداعى جەڭىسكە 70 جىل» بىرىڭعاي مەرەكەلىك مەدالىمەن ۇلى وتان سوعىسىنىڭ ارداگەرلەرى, تىل ەڭبەككەرلەرى مەن وزگە دە ادامدار ناگرادتالسىن. 3. وسى جارلىق رەسمي جاريالانعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسى پرەزيدەنتىنىڭ 2015 جىلعى 19 قاڭتارداعى №992 جارلىعىمەن بەكىتىلگەن

«1941 – 1945 جىلدارداعى ۇلى وتان سوعىسىنداعى جەڭىسكە 70 جىل» بىرىڭعاي مەرەكەلىك مەدالىمەن ناگرادتاۋ قاعيدالارى 1. «1941 – 1945 جىلدارداعى ۇلى وتان سوعىسىنداعى جەڭىسكە 70 جىل» بىرىڭعاي مەرەكەلىك مەدالىمەن ناگرادتاۋدىڭ وسى قاعيدالارى (بۇدان ءارى – قاعيدالار) «1941 – 1945 جىلدارداعى ۇلى وتان سوعىسىنداعى جەڭىسكە 70 جىل» بىرىڭعاي مەرەكەلىك مەدالىمەن (بۇدان ءارى – بىرىڭعاي مەرەكەلىك مەدال) ناگرادتاۋ ءتارتىبىن رەتتەيدى. 2. بىرىڭعاي مەرەكەلىك مەدالمەن: ۇلى وتان سوعىسى كەزەڭىندە, سونداي-اق بۇرىنعى كسر وداعىن قورعاۋ جونىندەگى باسقا دا ۇرىس وپەراتسيالارى كەزىندە مايدانداعى ارميا مەن فلوت قۇرامىنا كىرگەن اسكەري بولىمدەردە, شتابتار مەن مەكەمەلەردە قىزمەت وتكەرگەن اسكەري قىزمەتشىلەر, ۇلى وتان سوعىسىنىڭ پارتيزاندارى مەن استىرتىن كۇرەس جۇرگىزۋشىلەرى; مايدانداعى ارميا مەن فلوتتىڭ اسكەري قىزمەتشىلەرى, ۇلى وتان سوعىسىنىڭ پارتيزاندارى مەن استىرتىن كۇرەس جۇرگىزۋشىلەرى, سونداي-اق ۇلى وتان سوعىسى كەزەڭىندە مايداندا, سوعىس قيمىلدارى جۇرگىزىلگەن اۋدانداردا, مايدان ماڭىنداعى تەمىر جول ۋچاسكەلەرىندە, قورعانىس شەپتەرىن, اسكەري-تەڭىز بازالارى مەن اەرودرومدار سالۋ كەزىندە جارالانۋى, كونتۋزيا الۋى, مەرتىگۋى نەمەسە اۋرۋعا شالدىعۋى سالدارىنان مۇگەدەك بولعان جانە زەينەتاقىمەن قامسىزداندىرىلۋى جاعىنان اسكەري قىزمەتشىلەرگە تەڭەستىرىلگەن ءتيىستى ساناتتاعى جۇمىسشىلار مەن قىزمەتشىلەر; بۇرىنعى كسر وداعىن قورعاۋ كەزىندە جارالانۋى, كونتۋزيا الۋى, مەرتىگۋى سالدارىنان نەمەسە مايداندا بولۋىنا بايلانىستى اۋرۋعا شالدىعۋى سالدارىنان مۇگەدەك بولعان اسكەري قىزمەتشىلەر; جارالانۋى, كونتۋزيا الۋى, مەرتىگۋى سالدارىنان نە مايداندا بولۋىنا بايلانىستى اۋرۋعا شالدىعۋى سالدارىنان مۇگەدەك بولعان, بۇرىنعى كسر وداعىنىڭ ىشكى ىستەر جانە مەملەكەتتىك قاۋىپسىزدىك ورگاندارىنىڭ باسشى جانە قاتارداعى قۇرامىنىڭ ادامدارى; 1944 جىلدىڭ 1 قاڭتارىنان باستاپ 1951 جىلدىڭ 31 جەلتوقسانى ارالىعى كەزەڭىندە ۋكراينا كسر-ءى, بەلارۋس كسر-ءى, ليتۆا كسر-ءى, لاتۆيا كسر-ءى, ەستون كسر-ءى اۋماقتارىندا ءىس-قيمىل جاساعان جويعىش باتالونداردىڭ, ۆزۆودتار مەن حالىقتى قورعاۋشى جاساقتاردىڭ جاۋىنگەرلەرى مەن كوماندالىق قۇرامى قاتارىندا بولعان, وسى باتالونداردا, ۆزۆودتاردا, جاساقتاردا قىزمەتتىك مىندەتتەرىن اتقارۋ كەزىندە جارالانۋى, كونتۋزيا الۋى نەمەسە مەرتىگۋى سالدارىنان مۇگەدەك بولعان ادامدار; قورعانىسىنا قاتىسۋى مايدانداعى ارميا بولىمدەرىنىڭ اسكەري قىزمەتشىلەرى ءۇشىن بەلگىلەنگەن جەڭىلدىك شارتتارىمەن زەينەتاقى تاعايىنداۋ ءۇشىن ەڭبەك سىڭىرگەن جىلدارىنا 1998 جىلعى 1 قاڭتارعا دەيىن ەسەپتەلگەن قالالاردا ۇلى وتان سوعىسى كەزەڭىندە قىزمەت وتكەرگەن اسكەري قىزمەتشىلەر, سونداي-اق بۇرىنعى كسر وداعى ىشكى ىستەر جانە مەملەكەتتىك قاۋىپسىزدىك ورگاندارىنىڭ باسشى جانە قاتارداعى قۇرامىنىڭ ادامدارى; ۇلى وتان سوعىسى كەزەڭىندە مايدانداعى ارميا قۇرامىنا كىرگەن اسكەري بولىمدەردە, شتابتاردا, مەكەمەلەردە شتاتتىق قىزمەت اتقارعان كەڭەس ارمياسىنىڭ, اسكەري-تەڭىز فلوتىنىڭ, بۇرىنعى كسر وداعىنىڭ ىشكى ىستەر جانە مەملەكەتتىك قاۋىپسىزدىك اسكەرلەرى مەن ورگاندارىنىڭ ەرىكتى جالداما قۇرامىنىڭ ادامدارى نە ءتيىستى كەزەڭدەردە قورعانىسىنا قاتىسۋى مايدانداعى ارميا بولىمدەرىنىڭ اسكەري قىزمەتشىلەرى ءۇشىن بەلگىلەنگەن جەڭىلدىك شارتتارىمەن زەينەتاقى تاعايىنداۋ ءۇشىن ەڭبەك سىڭىرگەن جىلدارىنا 1998 جىلعى 1 قاڭتارعا دەيىن ەسەپتەلگەن قالالاردا بولعان ادامدار; ۇلى وتان سوعىسى كەزەڭىندە مايدانداعى ارميا مەن فلوتتىڭ قۇرامىنا كىرگەن بولىمدەردىڭ, شتابتار مەن مەكەمەلەردىڭ قۇرامىندا پولك بالاسى (تاربيەلەنۋشىسى) مەن تەڭىزشى بالا رەتىندە بولعاندار; ەكىنشى دۇنيەجۇزىلىك سوعىس جىلدارىندا شەتەلدەردىڭ اۋماعىندا پارتيزان وتريادتارى, استىرتىن توپتار جانە باسقا دا فاشيزمگە قارسى قۇرالىمدار قۇرامىندا فاشيستىك گەرمانيا مەن ونىڭ وداقتاستارىنا قارسى ۇرىس قيمىلدارىنا قاتىسقان ادامدار; قاتىناس جولدارى حالىق كوميسسارياتى, بايلانىس حالىق كوميسسارياتى ارنايى قۇرالىمدارىنىڭ, كاسىپشىلىك جانە كولىك كەمەلەرىنىڭ ءجۇزۋ قۇرامى مەن اۆياتسيانىڭ ۇشۋ-كوتەرۋ قۇرامىنىڭ, بۇرىنعى كسر وداعى بالىق ونەركاسىبى حالىق كوميسسارياتىنىڭ, تەڭىز جانە وزەن فلوتىنىڭ, سولتۇستىك تەڭىز جولى باس باسقارماسىنىڭ ۇشۋ-كوتەرۋ قۇرامىنىڭ ۇلى وتان سوعىسى كەزەڭىندە اسكەري قىزمەتشىلەر جاعدايىنا كوشىرىلگەن جانە ۇرىس مايداندارىنىڭ تىلداعى شەپتەرى, فلوتتاردىڭ وپەراتيۆتىك ايماقتارى شەگىندە مايدانداعى ارميا مەن فلوت مۇددەلەرىنە وراي مىندەتتەر اتقارعان قىزمەتكەرلەرى, سونداي-اق ۇلى وتان سوعىسىنىڭ باس كەزىندە باسقا مەملەكەتتەردىڭ پورتتارىندا تۇتقىندالعان كولىك فلوتى كەمەلەرى ەكيپاجدارىنىڭ مۇشەلەرى; لەنينگراد قالاسىنىڭ قورشاۋداعى كەزەڭىندە قالانىڭ كاسىپورىندارىندا, مەكەمەلەرى مەن ۇيىمدارىندا جۇمىس ىستەگەن جانە «لەنينگرادتى قورعاعانى ءۇشىن» مەدالىمەن جانە «قورشاۋداعى لەنينگراد تۇرعىنى» بەلگىسىمەن ناگرادتالعان ازاماتتار; ەكىنشى دۇنيەجۇزىلىك سوعىس كەزەڭىندە فاشيستەر مەن ولاردىڭ وداقتاستارى قۇرعان كونتسلاگەرلەردىڭ, گەتتولاردىڭ جانە باسقا دا ەرىكسىز ۇستاۋ ورىندارىنىڭ كامەلەتكە تولماعان بۇرىنعى تۇتقىندارى; ۋاقىتشا دۇشپان باسىپ العان اۋماقتاردا جۇمىس ىستەگەن كەزەڭدى قوسپاعاندا, 1941 جىلعى 22 ماۋسىمنان باستاپ 1945 جىلعى 9 مامىر ارالىعى كەزەڭىندە كەمىندە التى اي جۇمىس ىستەگەن ادامدار; ۇلى وتان سوعىسى جىلدارىندا تىلداعى قاجىرلى ەڭبەگi جانە مiنسiز اسكەري قىزمەتi ءۇشiن بۇرىنعى كسر وداعىنىڭ وردەندەرiمەن جانە مەدالدارىمەن ناگرادتالعان ادامدار ناگرادتالادى. 3. بىرىڭعاي مەرەكەلىك مەدالمەن ناگرادتالاتىن ازاماتتاردىڭ تىزىمدەرىن جاساۋ, كەلىسۋ جانە بەكىتۋ مىناداي تارتىپپەن جۇرگىزىلەدى: تىزىمدەردى وبلىستاردىڭ, استانا جانە الماتى قالالارىنىڭ جەرگىلىكتى اتقارۋشى ورگاندارى جاسايدى; تىزىمدەردى جاساۋ وسى قاعيدالاردىڭ 2-تارماعىندا كورسەتىلگەن ادامدار قاتارىنداعى ازاماتتارعا وسى قاعيدالارعا 1-قوسىمشاعا سايكەس نىسان بويىنشا جۇرگىزىلەدى; تىزىمدەرگە ولاردى جاساۋ ءۇشىن جاۋاپتى لاۋازىمدى ادامدار قول قويادى, قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىمەن كەلىسىلەدى جانە ولاردى وبلىستاردىڭ, استانا جانە الماتى قالالارىنىڭ اكىمدەرى بەكىتەدى. تىزىمدەردىڭ دۇرىس جاسالۋى جانە ولاردا كورسەتىلگەن مالىمەتتەردىڭ انىقتىعى ءۇشىن جاۋاپكەرشىلىك جەرگىلىكتى اتقارۋشى ورگانداردىڭ باسشىلارىنا جۇكتەلەدى. 4. بىرىڭعاي مەرەكەلىك مەدالدى تاپسىرۋ قازاقستان رەسپۋبليكاسىنىڭ پرەزيدەنتى اتىنان جانە ونىڭ تاپسىرماسى بويىنشا جۇرگىزىلەدى. بىرىڭعاي مەرەكەلىك مەدال ناگرادتالاتىن ادامدار تىزىمگە ەنگىزىلگەن جەر بويىنشا تاپسىرىلادى. ناگرادتالعان ادامعا بىرىڭعاي مەرەكەلىك مەدالمەن بىرگە مەدالدىڭ كۋالىگى تاپسىرىلادى. 5. بىرىڭعاي مەرەكەلىك مەدال كەۋدەنىڭ سول جاعىنا تاعىلادى جانە «1941 – 1945 جج. ۇلى وتان سوعىسىنداعى جەڭiسكە 65 جىل» مەرەكەلىك مەدالىنەن كەيىن ورنالاستىرىلادى. 6. بىرىڭعاي مەرەكەلىك مەدالدىڭ تاپسىرىلعانى تۋرالى ناگرادتاۋ تىزىمىندە ءتيىستى جازبا جاسالادى. تابىس ەتىلمەگەن بىرىڭعاي مەرەكەلىك مەدالدار مەن ولاردىڭ كۋالىكتەرى قايتارىلۋ سەبەپتەرى كورسەتىلە وتىرىپ, قازاقستان رەسپۋبليكاسىنىڭ پرەزيدەنتى ءىس باسقارماسىنىڭ وردەندەر قويماسىنا قايتارىلادى, بۇل تۋرالى تىزىمدەردە ءتيىستى بەلگى جاسالادى. بىرىڭعاي مەرەكەلىك مەدالدىڭ تاپسىرىلعاندىعى تۋرالى وسى قاعيدالارعا 2-قوسىمشاعا سايكەس نىسان بويىنشا مالىمەتتەردى جەرگىلىكتى اتقارۋشى ورگاندار 2015 جىلعى 1 شىلدەگە قاراي قازاقستان رەسپۋبليكاسى پرەزيدەنتىنىڭ ءىس باسقارماسىنا ۇسىنادى.